足足兩個星期無同死黨一齊放工啦
真係好掛住以往可以想走就走既日子
雖然當時都係多嘢做到無停手
但係依家多嘢做既情況唔同
上咗新系統之後
有好多嘢做唔切變咗會影響月結
咁樣就會影響好大
仲要下個月要準時月結添
唉……依家搞到自己既壓力真係越嚟越大
其實以前都唔細
但係依家就更加大
下晏真係無去見劉醫生
就連電話都唔夠膽飛線返公司添
應該話係好耐已經無飛線返公司啦
如果朋友有急事搵我最好打我直線電話
聽日要去見陳醫生
但係唔知道佢得唔得閒落嚟門診
今次我自己好想見到佢
不過又係心理作用都係驚咗幾日
這兩日左邊手好似開始有啲唔舒服
好似右手開頭咁樣既感覺
唔知係唔係自己既錯覺嚟？
主任突然開口問我聽日係唔係請全日
咁樣我話『你叫到醫生9點鐘見我，我就返下晏』
其實預約果日
果位文員都已經同我講『你係後補籌，要等耐啲』
咁樣即係話無12點45分都唔會到我見醫生啦
我仲試過成1點幾先至入診療室見醫生添
因為我係突然打電話畀醫生要求提早返去見佢架
果時好試覆完診都唔夠兩個禮拜
最後果次仲要即時入院添
希望聽日平安返屋企而又可以檢查到問題所在
PS:文員妹妹繼續請病假，仲超早打電話嚟講假添。
今日文員妹妹又請病假
今個月已經唔知道係第幾日
經理突然好奇之下攞番晒之前文員妹妹既病假紙出嚟睇
原來文員妹妹由今年4月到8月佢已經請咗15日病假
最奇係文員妹妹既病假好多時都係週一或週五架
所以有時我同某些同事講開
佢哋都會問我佢係唔係玩到攰返唔到工請病假咋？
又或者佢約咗人去玩所以咪請週五及週一囉
其實你要問我既意見
我就覺得好難定一個人係真病定假病囉
畀我就唔想病啦
只係有時我覺得佢諗嘢有少少離譜
例如發燒咗好耐佢一直唔去睇醫生
要等到天光先至話去睇急症喎
畀我等到天光我就會去睇家庭醫生啦
半夜就話去睇急症啫
已經天光點解又要睇急症喎
咁樣既情況已經唔係一次半次
當然唔係次次都發燒架
只係我好唔明白點解要去急症等佢大半日喎
全部都係佢自己同我講架
最近果次仲離譜
佢話週六去抽血
人哋12點45-50分到就閉門
咁樣佢話明明到1點鐘
點解咁快就閉門喎
我同佢解釋『抽血果度最後收血既人收血走咗』
咁樣佢哋就會閉門
開門畀人都會意思
因為唔會再抽血
再抽既血係無人收到時變咗無用『等同白費』
我問佢點解咁遲『佢話塞車』
再問佢幾點出門『佢竟然答12點幾』
佢話唔想因為唔知醒喎
唉……如果約人去玩佢一定會知醒囉
我真係無佢咁好氣
今日請病假又唔知道佢會唔會去埋抽血啦？？
中秋節假期已經過咗
今朝『天兔』如我想像中差不多時間離開
其實這個也是天文台向商界交功課啫
可憐要排長龍搭車搭船返工既上班一族
講完天兔既事都係講番工作上既麻煩事
新系統真係令到我既工作量大增到無法想像
上週四經理已經開始追我月結報表
因此所有品牌只欠我一個未完成
不過佢又唔敢太早追我
點解講到好似我咁大面子咁樣？
其實唔係我大面子
而係經理係安排工作上出現太大既不公平
就連佢自己都知道我由『朝九到晚九』做到唔停手
咁樣既工作態度佢仲夠膽要求我點樣呀？
我就忙死佢一早唔出手幫我
而主任就得閒到死係度扮忙
佢就一早出手幫佢完成月結報表
因此佢上週問我既時候我係刻意唔需要佢幫
但係又畀唔到完成時間佢
今朝一早經理就出聲問我仲有幾樣工作既進度？
佢週六及日應該係屋企諗完有咩辦法係我手攞嘢做
經理應該覺得我刻意唔畀佢幫
一於就遲遲交唔到報表畀佢
咁樣就連下個月既月結都會埋唔到
因新系統我多加了很多以往不必要負責的程序
而那些程序所需的時間很難想像到
始終都是第一個月使用此系統
下個月埋數會更加慘不忍睹
新系統所有月結之電腦報表都要自己運算及列印
這樣所需之時間又是不可想像的
因此今週26日要見劉醫生也決定取消不見了
而27日之覆診期就一定要去
因手部之痛楚真的越來越難忍受了
希望那天陳醫生有空到門診見我啦
如果不是就很難想像那位醫生又如何草草了事
今日係中秋節正日
在此祝各位blog友中秋節健康快樂
這幾天有幾位同事都有請我食月餅
因為佢哋所請既月餅不是普通月餅
不過我沒有吃也不知道有什麼特別
這幾天因手部不適
工作上也很忙碌
因而很夜下班回家吃飯
這段日子真的很難道過
不過我應該在此不會再談論及書寫
任何有關負面情緒的事情
一直以來我覺得自己真的很煩很衰
一直給朋友的感覺是很會找藉口的人
每次當我向朋友表達一些訊息時
都給她/他們感到我在找藉口依賴或推卸
就算有時向醫生說時也有這個感覺
對我來說這班人的感覺給我很傷心難過感
因當時直接覺得給人不信任的感覺
昨晚又出現這個場面
這個舊朋友已經認識了十幾年
那刻感到無話可說呼吸困難
當場停頓了片刻沒有回應朋友的說話
因那時真的說不出聲
其實我很不喜歡朋友那種不知情
而很確信自己那種判斷的批評或意見
醫生就永遠當病人所說是錯覺或多疑
如果今次覆診醫生也無法幫到我的痛症
今次應該會是我最後一次回這裡覆診了
很不想再活在工作、吃藥、覆診這些例行生活模式
應該要改變一下自己的下半生了
從那一天開始應該活在自己想活的日子裡
不再覆診吃藥應該會活得開心很多
有待那天的結果來臨吧！
負能量永別了！！！
依家隻手好痛
真係痛到好想……………唉
講真點解我一世人都要生活係痛症之下？
仲要全部都係同神經線有關架添
今日終於都係忍唔住坐係個位喊起上嚟
經理發現問我發生咩事
當然我已經係痛到唔識得講嘢
其實我依家一邊寫網誌一邊都係好痛
但係唔寫都係痛啦
依家成個手掌至手臂都係痛到飛起
我已經用到咬自己手嚟減輕手臂痛既感覺
點知都係唔得
就係中秋節朋友約出街我都無心機出啦
依家好驚到下週五果位醫生都話畀我聽無辦法幫我
如果係咁樣既時候我應該講咩好？
難道真係長痛不如短痛？
隻手我已經忍唔住痛
週五去柏立基無辦法
週六再忍唔住就走去QE急症
點知都係無辦法幫到我
佢哋兩位醫生都話要搵專科醫生睇先至有辦法
因為有啲檢查佢哋都無辦法做到喎
依家隻手真係痛到我想喊
喊完又再喊都無辦法
仲要等兩個禮拜先至見到陳醫生
仲要到時唔知道係唔係陳醫生添
唉…一句講晒就係忍得好辛苦
其實有次痛到我好想去搵爸爸就算數
因此真係痛到我人都癲
果次手痺痛、頭痛、耳嗚、氣喘、咳搞到行、企唔係
真係搞到好想一走了事
這一生痛症對我嚟講真係難分難捨
就算醫生點樣幫我都係解決唔到
近期呼吸同吞口水既節奏出問題
難到成日都吞得口水嚟又抖唔到氣
今日隻手終於都痛到我忍無可忍
去咗柏立基睇醫生
不過這位羅醫生都係話幫我唔到
始終佢都唔係專科醫生喎
所以佢只有開咗維他命B什畀我
睇下我食完對我有無些少幫助
但係我4點幾食完藥到依家仲係覺得好痛
仲痛到我好想好想喊添
只係我唔好意思係畀人見到既地方喊
有少少激動想去探爸爸同佢傾下計順便喊埋
依家晚晚坐係屋企按摩隻手
按摩時就好似有少少幫助
但係無可能成日有隻手得閒係度按摩住另一隻手架
唉…這個世界真係無責任心既人好多
最慘係這類人仲好鍾意搞事
我對這個世界既人心真係越來越無信心
我公司既人真係越來越變態
而內部既主任就更加唔需要講
佢近期簡直係痴線到無人有
唉…再係咁樣落去我既生涯仲可以點樣過？
係這間問題多多既公司
人又越來越多事非
再加上有鍾意造謠生事之人
這類人就更加可怕及可恥
以下幾句話講得很啱
大家分享下有咩意見
這個新的家很陌生
慢慢給我改變我有親切感
不過我很蠢
不是次次都懂得如何回這個家
因我還未很熟這條回家的路線
很希望在這裡慢慢有越來越熟識的面孔出現
這樣我就更加開心
有一點希望在這個新環境能夠做到
就是自己可以在這裡與大家分享越來越多的快樂事
舊網誌的希望失敗了
因想在那裡與大家分享開心快樂事
可惜就越來越多負能量
正能量就越來越少了
願這個家永遠都陪伴我們成長
不要再使我這麼攰也要周圍尋找去處
