.jpg)
由出院起
我好似對任何事都無興趣
樣樣事情都好似為交功課一樣
出去聚會又好似交人情咁樣
不過聚下又真係會暫時舒服啲
但係感覺唔會好耐
其實又係加護病房醒番之後
個人真係好似經過洗腦咁樣
好多嘢都好似無咩感覺同埋記憶
今日睇番覆診記錄先至知道
原來我今年除了3月份之外
每個月都有見王醫生
而且4月仲見咗成3個禮拜添
唉…難道以後都要每月一次?
依家腦部既記憶力真係好差
差到我感覺好似每日都係度失去緊啲記憶
只係少少咁樣令我唔多覺
又可能係我既心理作用
因為好多朋友都係咁樣話我
由上週初起
我身體已經開始感到很攰很難受
因為我午餐加了一粒藥
出院後一週回醫院見醫生都覺得幾好
仲以為自己對粒藥受得到
點知道時間一耐就出事啦
依家我日日都係2點幾開始就會勁攰
搞到好眼瞓
眼瞓既程度係去到我控制唔到
而夜晚就點樣都好難瞓到
再係咁樣落去既話
我諗遲早都會畀經理鬧
依家我既體力及記憶力都大不如前
好驚自己越嚟越無記性
我既腦細胞可能已經死咗好多
每次病發都令到腦細胞受傷
所以連記憶都會好差
每次病發完都會失去一部份既記憶
醫生話咁樣係唔奇
只係每人既情況唔同
而我既情況可能會更加受影響
因為我病發時係屬於大發
仲要每次都搞到要插喉
屬於好嚴重果類
如果我感到有先兆就要好小心處理
一定要搵個安全既地方
或者到急症室[我心諗感覺錯點算好呀?]
其實我唔係好知道點樣為之先兆
不過醫生話我應該會有
只係我無留意到
下次覆診要同醫生再商討粒藥點搞
不過我知道依家醫生真係好唔想搞我啲藥住
住院時一搞我果晚就病發啦
因此醫生佢好驚係出面我既危險性
噚日公事上又做到失控喊
死黨見到第一時間帶我去佢個位度
佢邊問我咩事
邊解釋畀我聽話情緒激動會導致我病發
這點我當然知道啦
佢即時話畀我聽佢4月15日當時佢係幾驚
當日係佢送我入院架
正常一間公司應該係由人事部搵同事陪架
不過這間公司既人事部好多都只識得講是非
因為果日佢哋好齊人咁樣入嚟我部門睇熱鬧
當救護員問邊個陪我入院時就只得死黨話去
死黨係救護車度見我病發得好嚴重
佢話係第一次見到咁嚴重
好快去到急症室急救
急救完無耐就等上病房
有個亞伯陪婆婆入院[佢話等咗成大半日仲未上到房]
不過我無耐就已經有人幫手推上病房
去到病房姑娘不停追問死黨我既家人幾時到
真係每幾分鐘就問一次
姑娘不停打電話搵醫生
當日搵嚟既醫生就係我門診既主診醫生[王醫生]
王醫生嚟到姑娘及醫生都追問家人到咗未
搞到死黨不知點算好
其實死黨都無我家人既電話號碼
全程係經另一位同事聯絡
全程死黨都話我抽得好犀利
醫生嚟到大家又開始好忙碌
大家又開始幫我急救
一直我都無醒過
醫生畀電話[深切治療及加護病房]
想睇下邊度最快有床位將我送上去
醫生未將我送上去之前已開始幫我插呼吸機
心電圖、血壓、血含氧量、胃喉。。。等等
而且一早已吊了很多包不知名的吊水
其實今次有死黨咁樣講番畀我聽
平時係無人會咁樣講畀我聽架
所以我對這些事係一無所知
就算之前試過4次都好啦
今次已經係第5次啦
所以連王醫生都比較緊張
就連出院佢都唔將我既覆診期改為一個月後
所以我出院一個禮拜就要返去覆診啦
下次覆診期一個月後6月6日
真係快到好得人驚
估唔到王醫生畀陳醫生更加無情講[想改長啲期覆診]
今日係公司我又失控喊
仲搞到個頭好痛
死黨即時提我要控制情況
如果唔係又出事
死黨又舊事重提
佢話我咁樣落去係唔得架
如果係情緒上我控制到佢可以唔理我[做唔做份工]
可惜我返工唔夠半個月又因公事而失控喊
咁樣落去又點得喎
再唔係咁樣啦
好公平咁樣
畀受影響有關人士投票
我當然即時反對啦
雖然自己仲係無辦法決定到
其實自己個心仲係好想繼續做嘢
只係自己又好無做
連少少嘢都控制唔到自己既情緒
如果畀王醫生知道我既病發係情緒影響既問題
一定唔理我既意願就捉我入院先
始終病發我太密
而且每次都要嚴重到插呼吸機
入深切治療[最近果次都要入加護治療部]
今次可能更加嚴重[搞到入病房後]
姑娘就周圍搵王醫生及我既家人
唔知道自己瞓咗幾多日？
因為我醒時已身在加護治療部
插呼吸機、胃喉、接駁心電圖、血壓機
仲吊咗好多包嘢[我唔識係咩嚟]
醒咗即時感到喉嚨好辛苦[果刻辛苦到想死]
其實次次都有這個想法
好在王醫生都知道我感到難受[之前覆診提過]
拔喉日幾就轉番去普通病房
入院既過程就係由死黨講番畀我聽架
不過就要下一篇先至講啦！
真係好耐都無寫到網誌
無寫有好多原因
有時好忙無時間
最大原因係早前4月中
唔舒服入咗醫院
5月1日先至出院
雖然醫生紙寫到5月8日
而原本5月9日要覆診
今次入院既主診又係我門診既主診醫生
所以出院時醫生無將我門診既覆診期更改
因為每次出院醫生都會將覆診期改為出院後一個月
唔理你既覆診期係早定係好遲
所以今次醫生係對我好特別照顧
不過出院第二日就開始腳腫
到普通科門診睇醫生
醫生話唔似係大問題
如果我想可以幫我抽血及留小便驗架
聽完我即刻話唔需要啦
因為我好快都要返去見專科醫生
這裡抽血係好麻煩架
要另外約定一日再返去抽血喎
仲要係平時週一至週五
而週六就只有我平時覆診開既專科門診有得預約咋
5月9日覆診醫生話我腳腫
有機會係尿道炎時不流通導致
慢慢觀察再看情況
所以又要6月6日返去覆診
覆得好密呀
真係好唔想覆得咁密
朋友聽完話我唔好喎
佢話醫生對我咁好
咁畀心機留意觀察我既病情
而我就咁樣講嘢
其實我係唔想架
.jpg)
.jpg)
.jpg)