好慘。。。。。。

『咳、潟、嘔、燒』。。唉。。這幾樣事玩死我啦

不明原因既情況下連環發生

最慘係不停的反覆發生

其實已經無計算耳鳴在內

如果唔係真係好唔得閒

講真這樣導致身體很攰很辛苦

本身長期失眠及吃藥已經令到精神不好

這樣再搞一搞更加令到個人好似老了很多

因此有一天半天好些便想約朋友出街盡情吃喝玩樂

可惜自己肚皮不好

次次出外吃喝玩樂完都會有肚潟出現

這兩週情緒又出現不穩定

現在很擔心週五覆診時會不會在王醫生面前失控

如果這樣很有危險性『會給他捉入院』

因在醫院時醫生已經很奇怪地要我見心理及精神科醫生

見完看醫生的報表先批我出院

當然要打甦十二萬分精神去招待那兩位友善的醫生啦

可惜見完他後。。就要我繼續發惡夢『見劉醫生』

劉醫生是一位我從未試過可以溝通到一次既醫生

以這一科來說。。不知是他失敗還是我很有問題

今晚我要準備一份問題紙『見王醫生』

如果唔係我一定會問漏問題

或者講漏事情給醫生知道

不過今次如果講得太老實應該會出事

因為我今次既問題實在太過多

而且我都唔知道那些問題是否小問題？

從前。。一樣

10月23日下午很不開心的半天

工作上有突如其來的推廣

本來下午因要去見劉醫生而請了半天假

正常來說我應該輕輕鬆鬆去吃個美味午餐

可惜因給經理追趕報表而要留下趕給她

未趕完就收到營業部交給我的推廣通告

唉。。最終午餐時間也在工作

還要下午三點十分方能急步趕去乘坐小巴去見劉醫生

餓著肚皮去見一個又驚又憎的醫生真的很可怕

見到劉醫生與一年前一樣沒有任何改變

當然是說他看病症的方式及態度

這兩方面令我對他很反感

說真的很想轉回盧醫生

但他們說沒有可能

如果真的這樣

下次再在醫院裡面

我一定會要求他們如要我繼續覆診

一是為我轉回盧醫生

一是轉去九龍醫院那裡覆診吧

因為今次去醫院看我的醫生也很好

他傾談方式與陳醫生差不多

與他們可以溝通到基本的問題

但與劉醫生連最基本的問題也無法談得上

因每次劉醫生見到我只會問

『來看什麼?你想怎樣?想何時回來覆診?』

他問我近期怎樣?

好像這次我說不知『怎樣說好』

他沒有出聲只望電腦『不過每次也是這樣』

等了一會。。。他好像忘了問什麼一樣

又轉了話題。。。今次你想幾耐返嚟覆呀?

唉。。。最耐可以幾耐呀?『不想你太耐。。五週』

這樣你決定吧！

哈！哈！哈！

以上便是沒有覆診成年

初次回去的談話內容與街上遇到路人甲沒有分別

就連去看柏立基看門診還要比他好

幾日。。微燒

幾日都係度發住微燒

搞到個人好似燒到傻咗咁樣

聽日下晏去見劉醫生

唔知道可唔可以請佢開啲藥嚟食

最衰自己又唔可以買成藥食啦

我咁樣講完大家一定會覺得奇怪

因為我依家食緊既藥[醫生開既長期藥]

佢話有些成份係不能一齊食用

就算去家庭醫生度求醫我都要向那位醫生說明

因為要特別注意[曾經有家庭醫生為此事項不開藥給我]

佢話要我返去問主診醫生寫清楚是那幾隻成份藥？？

最後我開聲問完之後

當然係嬲到爆炸[我果位主診醫生]

主診醫生仲叫我以後唔好再去見果位不負責任既醫生

話有咩唔舒服就睇門診或急症[因電腦有病歷記錄]

最緊要係會負責任無咁危險喎！

咁樣既嘢問番佢

開聲提佢就反問番佢

唔識開聲提佢果個咪好危險

佢係唔係就唔識得點樣查番出嚟？

而且仲有好多嘢佢都應該唔記得架！

咁樣果啲佢又叫病人去問邊個呀？

嘩。。。從未見過顧問醫生咁嬲咁惡架

雖然姑娘係好怕佢

因為佢好嚴肅。。不過姑娘話佢對我就好好

可能佢已經睇咗我廿年啦

而且我好怕佢架[雖然姑娘話佢對我已經好好]

不過我從來都好驚醫生這類行業既人士

就算係女士我都驚架

自從果次之後

我真係無咩睇私家既醫生

因為我對佢哋講完我既病歷及食緊既藥物

佢就會話[其實你真係應該去門診搵政府醫生跟進好啲]

始終你既病歷及藥物都太過複雜

真係好易同其他藥物撞藥

有啲私家藥既成份未必咁詳盡[撞藥可大可小架]

反而這位醫生比較苦口婆心[安全起見。。辛苦啲都要]

兩位細心既醫生都咁講。。想唔聽都唔得啦！

不過今次唔敢去睇

因為上週二剛剛出院

如果去睇政府醫生話佢聽燒咗幾日[雖然微燒]

但係都好難走得過入院既命運

我問識得既朋友講架[佢係護士]

永遠。。愛您

今日係爸爸既死忌

真係唔知道家人當中有幾多個記得

家姐就今日同朋友飛泰國

姐夫就同朋友今朝返鄉下玩

細佬同媽咪就無咩講同反應

不過我就覺得好心痛

今晚7點鐘前部門既人走晒

雖然這幾日最遲走都係今晚

不過今晚我都唔想咁快返屋企

唔想係屋企諗諗下嘢忍唔住流起眼淚就大件事

始終媽咪仲係好擔心我既健康

這幾晚都打電話嚟吹我收工

仲話有咩就留番第二日做啦

其實今日我心好痛既原因唔止係因為想起爸爸

仲係因為好自責早前26/9病發入院

導致影響重陽節大家去拜祭爸爸既日子

果次家姐話等埋我出院先至再去拜祭爸爸

但係依家仲未聽到亞姐通知重新安排既日子

唔知道係唔係諗住唔去？？？

如果係咁樣………

我諗會自己搵日自己去拜祭爸爸同埋亞爺

咁啱亞爺又係安葬係鑽石山

其實係醫院果次見醫生時

佢問起我點解起初要去見劉醫生時

我已眼淚汪汪想流出嚟

不過好在有病人要照X-Ray

所以佢行咗出去被輻射

等我有機會將眼淚收番

咁樣先至無咁失禮

最後想同爸爸講句[永遠永遠。。愛您]