2014年3月31日
這幾年放大假今年最開心
原因好簡單不過
就係平安無事咁樣度過這個假期
前幾年這個時候真係次次都會搞到入院
今次真的開心到不得了
越接近返工就越開心
但另一方面又越唔想返工喎
可能依家返工既環境因素太差
令到我好唔想返這份工
平時我放咁長既假期多數會想快啲返工架
接近生日『本嚟想由今年開始自己生日果日放假』
點知道撞啱經理果日要覆診喎
佢竟然問我果日請假有咩特別事辦？
就係果日特別唔想辦事咪放大假囉
之後佢就話自己果日要覆診
唉…咁樣即係點樣呀？
4月4日可唔可以放假啫？
2014年3月28日
約了同事吃午餐
因她上午要上班
因此約了下午2時在佐敦裕華門外等
最後到倫敦廣場十一樓飲茶
當然選擇飲茶是想坐久些
方便大家可慢慢傾談
始終周圍食市都要求客人盡早交枱
使很多時出外聚餐都很趕時間
坐到4點我們便離開
由佐敦步行到旺角
我還在旺角選購了幾枝指甲油
營業員很好很有耐性
而且她是一位皮膚很白皙
五官很美的美女
聽我這樣說是不是覺得她很『完美』？
哈哈哈！短暫的相處真的不知道是否真性情？
2014年3月23日
以下內容經考慮一段時間
始終覺得寫出嚟會令自己舒服啲
不過可能又會令到識我既朋友擔心
想係度向睇完這篇內容既朋友講聲
你哋暫時可以放心
依家既我仲可以控制到自己
只係有時唔知道自己係咩思維空間
諗嘢好似越嚟越與這個世界分隔
仲越嚟越憎這個世界既嘢
好似覺得自己應該離開這個世界咁樣
更加不應出現既係思維上好似自己係異域嚟咁樣
應該盡早離開這個不屬於自己既世界
當我思想越係咁樣諗嘢時
我既情緒就好似越係難控制
其實我有諗過番去搵劉醫生
不過再諗下又覺得自己見到佢
又一定唔會對佢坦白自己既諗法
不如就唔好去浪費大家既時間啦
陳醫生每次係我想唔通既時候
都會好自然咁樣係腦海出現
不過係門診已經唔會再見到陳醫生啦
2014年3月22日
今日週六無須上班
因下週一開始會放假一週
所以就要盡量將工作做好或交給其她同事幫忙跟進
導致昨晚九點幾還未放工
正當在處理放假須交給同事幫忙跟進之工作時
突然周圍及電腦都無電[即係熄晒機啦]
竟然係護衛員關總制導致
唉…這樣一搞我的工作就玩完了
只好放棄靠護衛員支電筒嚟攞包袱走人啦
依家只好週一致電回公司直接交待好一齊
所需之檔案就要靠經理幫我開電腦電郵畀主任
今晚我煮生平第一次煮既[南瓜西米露糖水]
原本都好好架
點知道媽咪又係度搞搞震
最後搞到大家都唔開心佢先至唔再出聲
再經今次既教訓
次次都係咁樣
以後都係唔入廚房啦
2014年3月17日
特別放假去南丫島行一行
單獨去就仲未夠膽量
始終驚迷路
一早起身趕搭9點10分那一班船
可惜手腳慢趕唔切
最终搭9點30分這一班
上到船感覺到好大浪[成個人企唔穩]
此行無想像中好
全程太多人
其實人的多少不成問題
最慘是他們說話聲浪太大
而且有些還要是粗俗話
聽了入耳感覺很難聽
心中的寧靜感全部沒有了
最慘是我對太大及嘈雜的聲音很敏感
短暫幾分鐘已經是極限
如果再耐些就會開始頭痛及頭暈周身不適
最後我與友人也開始感到頭痛
不知友人是否受了天氣影響
好在已經差不多到碼頭
可惜想坐下合眼休息也不行
因不久人又開始多
嘈雜聲也開始越來越大
就連談電話的人也談到全場也知道他談什麼內容
實太大聲[好似商場尋人時叫咪一樣]
下週問問朋友去不去『大澳』
2014年3月12日
依家開始想慢慢習慣番每日寫網誌
可能寫既內容未必係開心既事
但係自己覺得自己既記憶力越嚟越差
唔想將來好似一個失憶人士咁樣
滿腦子都係空白一片
因此近期都寫多咗網誌
希望自己有能力每日都上載到啦
就算真係唔可以都盡量
2014年3月11日
覺得人越來越難做
就嚟想將自己打包咁樣
真係好難了解自己想點樣
情緒好難控制
搞到近期好驚同人鬧翻或有刺激
但係平時工作上都已經好多刺激啦
再加上主任近期又同果個新嚟既同事唱雙簧
唉…真係好想唔做這份工[自己去自由行]
可惜這個夢想真的難達過發達
近期又開始番忍唔住偷偷喊既日子
為了不會在家太易與媽咪鬧翻
每晚都係公司做到差不多9點鐘先至開始走
咁樣返到屋企媽咪就差不多要上床瞓覺
唔知道係唔係這個原因
導致我既失眠都嚴重埋添
以前可能我會1點幾2點鐘先至瞓到
近個幾月嚟
我差不多每晚都係4點幾先至開始瞓得啲啲
搞到日間返工就非常之攰啦
真係攰到好似吸毒咁樣
這一世還值得堅持下去嗎???
2014年3月10日
聽日就係返KWH覆診既日子
心情好緊張
其實一向對見醫生都有緊張既情況
況且今次仲要係見新既醫生
係病房見果幾個已經印象麻麻地
聽日見報表既結果都唔知道好定壞
唉…算啦
想真一層我都已經打定輸數
如果係壞消息既話就順其自然
唔諗住再自找煩惱
就算想醫都可能係好似依家咁樣
只會繼續痛苦
如果要我繼續要屋企人陪我痛苦
我只好選擇順其自然
咁樣順應天命好過
2014年3月9日
亞姐返嚟屋企探媽咪
今次姐夫要返工
車咗我哋過嚟就去返工啦
而我同亞姐就坐到1點幾就去荷李活廣場行街
當然我只係陪亞姐行下多
可能噚晚係亞姐屋企瞓得唔好
所以就好攰好頭痛
不過唔想掃興就繼續堅持到抵
我要買波鞋[而會員買兩對過$1200送袋]
而姐夫又要買就等埋姐夫先至計數
打算搵細佬帶媽咪去潮客攞位先
點知道媽咪都跟埋姐夫一齊嚟
只有細佬一個自己去攞位先
咁啱媽咪係度我就叫媽咪順便揀多對鞋
因為媽咪成日都等到對鞋爛先至同我講
咁樣好難即刻搵到啱既鞋畀佢
而且佢對衣服鞋襪既要求又高喎[佢自己話唔高]
起初見到對4佰幾蚊既波鞋
後期帶佢去睇對行山既鞋
我覺得鞋款及顏色佢都應該會比較鍾意
不出我所想[不過媽咪就不停問我這對幾多錢]
因為佢好慳架[太貴佢就唔會買]
最後我同佢講[對鞋係日著夜著行路返工架]
當然係舒服及安全啲架好啦
貴少少唔緊要架
最後就買咗8佰幾蚊果對畀媽咪啦
其實我未買波鞋畀媽咪之前
佢自己只會係街市買佰幾蚊既波鞋
都唔知道係咩波鞋嚟架
2014年3月8日
今朝記憶及電話內記錄都係記錄咗抽血
朋友昨夜突然致電話有空陪我去抽血
所以約咗9點30分係日間醫療中心2樓抽血室等
點知我竟然唔知醒[真係有使以來第一次唔知醒]
急急致電朋友[可惜無人接聽只好whatsapp]
轉頭到佢致電又到我無聽到啦
最終佢約我10點30分左右係番原本約果度等
去到我發現自己搞錯咗唔係果日
應該係3月15日先至啱
可能係我第一次記憶時錯咗
再記憶番啱架時候又無取消番錯既記憶
因此第一次記錄提示功能生效時
我就……衰咗啦
唉…真係點可以對一件事全無記憶先至得架??
將來我既記憶力會再差到咩地步架??
我真係難以想像………………
抽完血朋友仲帶我去官塘市中心百樂門飲茶添
真係好開心這位朋友這樣抽時間陪我
其實我真係很不想浪費朋友工餘時間
之後自己都係APM行咗一段時間
再搭地鐵去亞姐屋企
好奇怪近這兩次係亞姐屋企瞓
都瞓得好差
而且仲成晚發惡夢及內容不清晰
其實我極少發夢咪講係惡夢添
再加上我近兩個月已經係失眠加失眠啦
點樣失眠加失眠??
就係一早已經係失眠到1點幾2點鐘先至瞓到
依家仲衰添
要3點幾4點幾先至瞓到喎
搞到個人真係越嚟越無精神
仲成日都覺得好攰
胃口又唔好
胃酸又倒流
搞到成日個心口好辛苦
2014年3月5日
噚晚突然間好唔想返屋企
所以whatsapp舊同事問佢得唔得閒出去食飯
好在有位同事啱啱病好
咁樣佢就話去樂富[越棧]食
講真依家食嘢我就無咩胃口
不過出去聚下我就好有興趣
大家都傾得好開心
最終傾到10點幾都係要散
朋友送我去搭巴士之後先至自己搭車
唉…近期真係唔知道自己想點樣
3月22日開始到31日先至要返工
放大假今次個人真係好想去旅行
但係朋友家人都絕對唔讚承
搞到我又好唔開心
有可能會自己去旅行團報名自己一個跟團去
但係朋友話就算跟團有咩事都係好危險架
而且我近期又發作完呀
難道我以後都要為這個病而不能再去旅行?
2014年3月4日
胃口差都一樣要食飯要應酬
舊同學生日約埋出去食飯慶祝
今晚食四川菜[不過幾個都唔食得辣]
大家傾傾下講番我第一次病發既時候
真係估唔到佢哋仲記得
英姐個細女原來又係有這個病
[家族有此病患]
玲玲佢話聽到我1月份入過深切治療
驚到唔知點算好
其實無咩要做 [做咩都幫我唔到]
老實講我依家反而好驚3月11日果個報告
因為做完個大腸鏡檢查到依家
個腹部到依家仲係成日好唔舒服
都唔知道仲係度發炎仲未消
還是係有其他問題？
2014年3月3日
胃口越來越差
唔知道係咩原因
仲搞到連情緒都低得好緊要
聽日有舊同學生日
成班同學約埋一齊食飯聚下及慶祝下
可惜我近日既胃口太差
導致思想上好想拒絕這次聚會
難道檢查一次大腸鏡就真係搞到咁唔正常？
耳膜炎滴藥水滴咗就嚟成個禮拜
效果都好似無咩用
我諗都係去番油麻地耳鼻喉專科見下醫生先至得
雖然廣華都係耳鼻喉專科嚟
可惜樽藥水唔係專科開而係果個初級醫生開架
始終都係信唔過佢
希望無事唔駛再補啦
再補媽咪一定唔批准
2014年2月25日
一早就叫我落去做大腸鏡檢查[預約係下午3點鐘]
落到去等咗無耐[亞姐落嚟話帶我去睇耳鼻喉科先]
醫生話發左炎[有可能多年前補既耳膜會破損番]
聽完之後好驚好慌啦[咁樣點算好呀?]
3月25日要再返去覆診
再返去照大腸鏡果邊就慘啦
之前有得插隊[走開咗就無啦]
足足由10點左右等到差不多12點先至到我
聽兩位同房亞姨話照大腸無咩特別
一位就話瞓著咗
另一位就話睇住個畫面無咩
但係我就好辛苦好痛啦
因為我完全無打止痛針[醫生話我對止痛針反應強烈]
其實係佢哋驚出事
因為之前王醫生都話[止痛針當有需要時都要用]
好似今次檢查[王醫生話叫佢哋一定要依時畀藥我食]
如果唔係病發一樣都係做唔到這個檢查
就算我對止痛針反應強烈都好啦[有需要時都要用]
足足照咗成粒鐘有多[姑娘仲一邊話我好忍得痛]
唔忍仲可以點樣呀??[三個人對我一個呀]
到依家個肚仲係脹緊[又唔係好食到嘢]
3月11日返去睇報告[抽咗組織去化驗]
但係到今日個肚仲係好唔舒服
而且仲好易出現微瀉既情況
因此近期對食肉提唔起興趣
難道又會回到過去[小時不吃任何肉]
依家再回到過去好難搞喎
小時已因不吃肉導致營養不良[被醫生強迫改善]
.jpg)
.jpg)
.jpg)
.jpg)
