A/B/C 無個好

唉…就嚟畀部門既三位亞太激死

A既鍾意咩都搵我做 [貪快及比較安全]

B既鍾意咩都扮主管 [無料又要扮老經驗職位高責任就低]

C既就咩都扮唔無知 [無知唔駛做有B既照顧當然係寶貝]

A+B+C既係煎讓三寶 [佢哋係寶時我當然就係草啦]

唉…都唔明白點解我要咁哀心軟

如果我個心可以企硬啲既話

就唔會有今時今日既我係度出現

更加唔會有今時今日係度怨天尤人

其實我知道點樣怨天尤人都無辦法

不過我都只係想發洩下心結啫

不過點樣發洩都發覺無用

因為近期我都係不斷咁樣一個人偷偷地喊

前一排仲喊到有聲

近期真係只有兩排淚雨向下流

仲開始不分日夜添

就嚟開始唔夠藥食

唔知道去唔去搵王醫生開藥好

去又覺得好煩好辛苦

唔去又驚會病發

因為近期身體及精神都覺得好攰

其實我知道咁樣對我嚟講好易引起病發

不過都無辦法

就好似想控制情緒咁樣

到依家我一樣係控制唔到

搞到唔敢見人

經理。。回來了

今週一經理已經出院返工啦

見佢頸部仲有沙布應該仲係未好

其實我無諗過佢會咁早返到

平時我病發入院

如果住過ICU既話

一定會搞到成兩個幾三個禮拜先至出得院

而經理仲係做過手術

所以覺得佢應該更加耐

點知事實相反

好在佢返得嚟早咋

如果唔係我真係會覺得好煩

始終覺得主任佢辦事能力唔得

又鍾意扮嘢

咁樣好易畀佢搞死我

雖然我唔駛聽佢話做事

不過都唔想畀人感覺經理唔係度

我哋會變得好〝蝦〞囉

太突然啦

經理上月中突然通知我同主任

話佢要係九月初入院做手術

所以會請幾個禮拜假期

講完之後連續幾日斷斷續續都請咗幾日上晏或下晏

因為要返醫院抽血及做入院前檢查

其實經理既抵子都同我差不多

只係我本身有一啲毛病係控制唔到幾時病發啫

上週二佢就入院

週四就安排做手術

手術後會安排入ICU觀察

好開心佢第二日就由ICU轉番出嚟普通病房

點知道佢竟然話我聽

佢竟然話佢第二日就問醫生幾時何以出院

醫生話你都係啱啱轉番出嚟普通病房

而且又話傷口痛

咁樣仲問幾時可以出院………???

哈哈哈……真係同我一樣

都係好想離開這個地方

經理週日已經通知我佢出咗院

真係好開心聽到佢咁樣講

不過又覺得點解個醫生會咁快批准佢出院架???

而我每次入院又要搞成最少兩個禮拜至三個半禮拜先至走得呀

真係好奇怪架

我無傷口架反而要搞咁耐

希望經理以後都健康快樂啦!!!

在此祝各位中秋節快樂!