2014年2月24日
這兩天對我來說真的很難過
應該說由22日起直到今天還是很辛苦難受
早在1月21日時右下腹痛
而導致這兩天要入院做大腸鏡檢查
由22日起要戒吃蔬菜及水果
23日全日只能吃白粥或流質食物
24日早上9時到醫院病房報到
病房文員叫我坐下等他
他處理好文件後再叫我再急症室那裡辦理入院手續
再回病房文員叫我使用加床
如有病人出院有大床便換給我
姑娘就負責問一些普通問題以作記錄
不久就到初級醫生來看我
這間醫院給我很多很奇怪又不滿的問題
醫生問病人那裡不適後[次次都聽完就算]
今次我右耳膜發炎[因上次入深切時嘔吐物進了耳朵]
當然即時我是不知道[未發炎我都仲未知道這事]
因此醫生問我有沒有身體不適時
我便向她說我右耳[全塞及聽不清楚對話]
她聽完應了我一聲便沒有任何表示
慢慢她問問下問題突然自己走了出病房便不見人影
姑娘開始給潟藥我飲
分三次…每次一公升…每壺一小時內飲完
第一次是11點幾給我的
第二次是2點鐘…第三次就5點幾鐘
2點幾時初級醫生陪同一位高級醫生再巡房
今次高級醫生問的問題同初級醫生差不多
只是今次我答右耳有不適時醫生說[我係外科唔識]
轉介你去睇耳鼻喉科啦[今次醫生既反應正常啦]
唔知道係睇開我既醫生對我特別優待定係這裡的醫生差
當然話醫生對我特別優待係朋友及同事話架
佢哋從來都覺得我係果度係貴賓咁樣
咩都受到優越待遇[從來我都以為係正常既程序]
其實個個講完我都唔覺得有咩特別
但係越來越聽到好多奇怪事之後
我就覺得一直照顧我既陳醫生
原來廿年來樣樣事都照顧得好周全又細心
依家佢唔落門診之後就更加掛住佢添
不過陳醫生都安排咗一位
好細心及講解詳盡既醫生接手照顧我
如果唔係這位醫生夠細心及詳盡
我想我有好多嘢都會收埋唔同佢講啦
