今日文員妹妹又請病假
今個月已經唔知道係第幾日
經理突然好奇之下攞番晒之前文員妹妹既病假紙出嚟睇
原來文員妹妹由今年4月到8月佢已經請咗15日病假
最奇係文員妹妹既病假好多時都係週一或週五架
所以有時我同某些同事講開
佢哋都會問我佢係唔係玩到攰返唔到工請病假咋？
又或者佢約咗人去玩所以咪請週五及週一囉
其實你要問我既意見
我就覺得好難定一個人係真病定假病囉
畀我就唔想病啦
只係有時我覺得佢諗嘢有少少離譜
例如發燒咗好耐佢一直唔去睇醫生
要等到天光先至話去睇急症喎
畀我等到天光我就會去睇家庭醫生啦
半夜就話去睇急症啫
已經天光點解又要睇急症喎
咁樣既情況已經唔係一次半次
當然唔係次次都發燒架
只係我好唔明白點解要去急症等佢大半日喎
全部都係佢自己同我講架
最近果次仲離譜
佢話週六去抽血
人哋12點45-50分到就閉門
咁樣佢話明明到1點鐘
點解咁快就閉門喎
我同佢解釋『抽血果度最後收血既人收血走咗』
咁樣佢哋就會閉門
開門畀人都會意思
因為唔會再抽血
再抽既血係無人收到時變咗無用『等同白費』
我問佢點解咁遲『佢話塞車』
再問佢幾點出門『佢竟然答12點幾』
佢話唔想因為唔知醒喎
唉……如果約人去玩佢一定會知醒囉
我真係無佢咁好氣
今日請病假又唔知道佢會唔會去埋抽血啦？？
網誌管理員已經移除這則留言。
回覆刪除久休生，晚上好，雅虎blog留唔到言畀你呀!搞到聯絡好難，真係覺得好亂。
刪除乜你公司真係有咁多病假架
回覆刪除EE，佢有醫生紙你無佢符，今日繼續請添!就連主任都請埋，不過主任噚日都已經預告咗，佢噚日話下晏走去睇醫生，不過就有好多今日生效既推廣佢未搞完，又唔講底，經理今日仲幫佢對發票添!話佢好多喎!心諗我咪仲多過佢，我唔明佢一早搞完埋數，做咩無時間對呀?真係好多嘢都唔明?
刪除好耐無同你傾計！妳好嗎？
回覆刪除嘩~~~ 你間公司真係無掩雞籠嚟喎！文員妹妹由今年4月到8月，佢已經請咗15日病假，勁！
3家姐，今個月計到今日為止，應該超過20日啦！所以佢都算犀利，我諗我一年入3次醫院既日子都唔夠佢4至9月這段期間的假期多，真係好得人驚。
回覆刪除