好快就週六
所有同事都好開心
因為又可以連放兩日假
C小姐由10月12日至10月20日
都只係返得1日工返
因為佢又請病假由16號至18號
日日請假既原因都唔同
不過我已經開始唔信佢真係假啦
因為由今年4月至10月
佢已經請咗20幾日大假啦
仲犀利過我入兩次醫院既假期
經理應該係好唔滿意
不過佢又無佢符喎
我週一早上又要請假返QEH做電腦掃描
週日晚9點30分要食8粒藥
週一早7點30分又要食餘下8粒藥
藥袋寫明係『類固醇』
搞到我好唔想食
咁樣我一早一晚加埋每餐要食十幾粒藥
諗下都想嘔
做完這個檢查就要等週五果日返去覆診
其實我依家已經開始好驚啦
這幾天發現自己好多問題出現
我咁樣講當然唔會係好事
近期睇嘢有時會突然眼定定
真係定到自己想郁都唔得
個腦又突然會覺得好似一部分既地方抽空咗
隻手就更加有問題啦
手指痺到用筷子及筆都發唔到力
對上既手臂就有時唔知道係唔係攰定係咩事
會突然間好麻痺孫痛
食完藥出現果種虛浮仲係時好時壞
唔知道有無其他好方法處理到？
定係今次開藥量過強導致？
不過食完這隻藥我隻手又真係唔痛啦
好啦！今日個頭唔知做咩下晏開始有啲怪怪既不適
但係果種不適我唔識得點樣用文字表達
好多藥都有類固醇，問題是多少，含量少的影響不大，如覺有麻痺，可磨擦按摩，使血液循環加快，希望妳好快適應‧
回覆刪除歐陽先生，這隻藥只係寫類固醇三個字係袋度，同埋好似好誇張，前一晚9點30分要食8粒，當日早上7點30分又要再食埋餘下果8粒藥喎！最慘係兩餐既藥總計我要食成36粒藥呀！真係諗起都想嘔。
刪除果幾粒係為左做腦素描而食，都係一次過，咁你一定要食，有乜不適，記底同醫生講，或者好好地同醫生傾下啦，唔好淨係驚.
回覆刪除EE，我已經記底幾點要同醫生講，而且我仲有啲嘢要問清楚醫生，不過仲要睇下係邊個醫生睇我先至得，因為有啲嘢我覺得只有陳醫生先至識得答我。
刪除Annie加油，和妳打打氣
回覆刪除Sukie 多謝你，近期真係好攰呀！做咩都無晒心機。
刪除我好同意 EE 嘅意見！保重呀！
回覆刪除Double媽，當然知道你哋講得好啱，只係我無咁樣既勇氣及記憶力去面對醫生，其實我無咩要求，只想靜靜的來靜靜的走！就是這樣簡單！
刪除Annie : 我都想靜靜的來；靜靜的走啦！
刪除Double 媽，你又要靜靜來，靜靜走，好難喎!你去到邊都一大班人跟住架!都好想話靜雞雞囉~~~~~
刪除