星期二C小姐返工之後
個人好似變晒咁樣
之前我哋一齊食飯
但係這兩日佢一到食晏時間佢就自己走咗去
死黨見咁樣就話陪我落去買嘢返上嚟食
當然係唔需要
只係我覺得奇怪點解
C小姐病完返嚟之後對我就好似反咗面咁
不過無所謂同唔同我食飯我一點都唔介意
只係我唔鍾意啲人係無原因之下特變
人心真係好可怕
由細到大最驚既嘢都不離兩樣『人及專業人士』
人『零歲至離世』
專業人士『醫護、電腦、量地(無工作既人士)』
唉…講番一啲好煩既事
姑娘打電話嚟通知『麻煩覆診果日要準時』
因為陳醫生要見我
果日陳醫生應該準備好時間落嚟見完我就走
又係選擇性果類覆診
咁樣講法遲少少都好麻煩囉
但係有時真係好難計時間
不過佢應該都唔會咁早落嚟
佢應該都係收到姑娘通知話我到咗佢先至落嚟啫
其實咁樣安排咪仲好
唔駛搞到我咁擔心果日會唔會遲到
死火啦！唔通電腦掃描有唔好既消息？
所以先至搞到要由佢跟進番？
又係一個好驚既預告
聽完個電話搞到依家個心都仲未定落嚟
下次再有咁樣既事可唔可以唔好咁樣呀
最多我到咗佢哋先至通知陳醫生落嚟咪得囉
咁樣又唔會阻到陳醫生做嘢
又唔駛搞到我依家咁樣要驚幾日啦
救命呀！點解次次都要咁樣整估我喎
Annie ~ 隨遇而安 ! 明天的事上帝自有安排!不要想太多 ...
回覆刪除哈哈哈，大家姐，隨遇而安這句話能夠做到就好了，其實果朝我想去鑽石山出一位朋友呀!不過佢既時間係10點鐘開始，朋友話儀式要進行30分鐘到，不過果日會有班醫護人士去參觀儀式，所以唔知道會唔會有影響，平時遲到覆診就唔驚，但係今次陳醫生搵姑娘打電話交待好，如果咁樣我都遲既話，好驚陳醫生鬧我呀!
回覆刪除你真係太多野驚啦，你都係想陳醫生見你架，其實紀念朋友可以在心中，何必攪到自已咁趕呢
回覆刪除EE，唔係呀!果日係送朋友最後一程，如果出席我將來去拜祭都識路，如果唔係我就真係有排都搵唔到。
回覆刪除其實 C 小姐嘅特變係一定有佢嘅問題，何必理會呢 D 人呢！我諗佢有咁嘅表現都應該唔會做得太耐，更何況佢仲經常請假 o添！咁樣亦即係表示佢唔重視呢份工啦！係咪？
回覆刪除至於你想出席紀念你朋友嘅儀式，如果時間太趕嘅話，你可以喺一個安靜嘅地方去靜思佢嘅，佢依舊可以活在你哋心中！
Double 媽，真係唔清楚佢，依家我覺得人心好恐怖，就算我對一個人幾咁真誠，都估唔到幾時會畀人特別對待，其實我有諗過去學手語，學識之後就用手語同你溝通，唔再出聲講嘢，近期又開始諗緊去學。
回覆刪除我有時都覺得人心都係好難測度嘅，我都曾經氣餒過，都有你咁嘅疑問，點解我用真心待朋友，到頭嚟時間一耐咗, D 朋友就冷待我呢？係咪我無意間得罪咗對方？撫心自問都一向用真心待人，到頭嚟竟然有咁嘅下場？最後唯有又係做阿 Q 啦！只可以又係'緣盡'啦！
回覆刪除不過，我都唔會對人心盡失嘅，我好相信只要用真誠待人就一定有好回報嘅！咪好似識到你哋, 咪係我嘅好福份囉！
加油呀！