盡量回憶

今日係公司我又失控喊

仲搞到個頭好痛

死黨即時提我要控制情況

如果唔係又出事

死黨又舊事重提

佢話我咁樣落去係唔得架

如果係情緒上我控制到佢可以唔理我[做唔做份工]

可惜我返工唔夠半個月又因公事而失控喊

咁樣落去又點得喎

再唔係咁樣啦

好公平咁樣

畀受影響有關人士投票

我當然即時反對啦

雖然自己仲係無辦法決定到

其實自己個心仲係好想繼續做嘢

只係自己又好無做

連少少嘢都控制唔到自己既情緒

如果畀王醫生知道我既病發係情緒影響既問題

一定唔理我既意願就捉我入院先

始終病發我太密

而且每次都要嚴重到插呼吸機

入深切治療[最近果次都要入加護治療部]

今次可能更加嚴重[搞到入病房後]

姑娘就周圍搵王醫生及我既家人

唔知道自己瞓咗幾多日？

因為我醒時已身在加護治療部

插呼吸機、胃喉、接駁心電圖、血壓機

仲吊咗好多包嘢[我唔識係咩嚟]

醒咗即時感到喉嚨好辛苦[果刻辛苦到想死]

其實次次都有這個想法

好在王醫生都知道我感到難受[之前覆診提過]

拔喉日幾就轉番去普通病房

入院既過程就係由死黨講番畀我聽架

不過就要下一篇先至講啦！