※ ※ ※ ※ ※ ※ ※ ※ ※ ※ ※ ※ ※ ※ ※ ※ ※
已經好耐都無寫網誌
等於日誌都無寫過
因為我會將日誌既內容作少少修改再上載到網誌內
由舊曆年三十晚決定
以後都唔會再返醫院作任何覆診及檢查
12月及2月這兩個月入院發生好多事
導致我有以上既決定
不過唔想再提這件事
只知道那裡奸險小人多
上週五就係出院後第一個期回去覆診
當然我無出現啦
昨日1點零幾分鐘
姑娘打電話畀我
問我3月20日有預約期
當日能否提前10點鐘去覆診?[原本預約時間11點30分]
如果我會返去覆就當然無問題
可惜我無諗過會再返去覆診
因為我仲係覺得佢哋好怪又信唔過
以往姑娘打電話嚟
第一件事就係問我點解上週五無返去覆診
但係今次佢哋好似當無事發生
姑娘真係提都無提一句
而且仲扮晒我係依舊預約期返去覆診添
只係依家佢哋想我提前返去而致電通知咁樣
我真係見過鬼已經好怕佢哋
講真我依家連去睇普通科都驚
搞到手腳由初五一直腫脹都唔敢去睇醫生
因為由頭到尾都唔知道點解會腫脹
不過今次係腫得最勁
依家已經好番好多啦
無咩腫……可惜唔知道幾時又會再嚟腫過
說到這裡暫停一下
不過唔知道自己幾時又會再抽時間寫???
※ ※ ※ ※ ※ ※ ※
※ ※ ※ ※ ※ ※ ※ ※ ※

平安.
回覆刪除久休生您好!
刪除好多謝您對我既祝福,還有一直以來的關心,真的十分感謝。
你要自已保重呀!
回覆刪除EE…我知道,因為今時唔同往日,已經無食藥一段時間,起初無咩問題,仲覺得比以前精神多添!不過近日開始頭痛難耐,想搵番舊既藥食住先,又覺得自己咁樣做好似上咗毒癮,又叫停自己這個想法,有網友話…食藥太耐起初停藥時,會好似戒毒咁樣喎!
刪除你是否全面停藥?
刪除EE…都可以咁樣講啦!不過頭痛時都會食番有止頭痛果粒藥架!這幾天都頭痛,搞到我好辛苦,有時忍唔住會喊咗出嚟架!以前我無留意食藥同唔食藥有咩分別,依家我留意到啦!唔食藥果日個人會比較精神啲,好似諗嘢都特別快啲,食藥果日就會好傻,樣樣反應都會比較慢及思想也慢條斯理既感覺,所以我真係唔想繼續食藥啦!
刪除