信不過的專業

※  ※ ※ ※ ※ ※ ※ ※ ※ ※ ※ ※ ※ ※ ※ ※ ※

已經好耐都無寫網誌

等於日誌都無寫過

因為我會將日誌既內容作少少修改再上載到網誌內

由舊曆年三十晚決定

以後都唔會再返醫院作任何覆診及檢查

12月及2月這兩個月入院發生好多事

導致我有以上既決定

不過唔想再提這件事

只知道那裡奸險小人多

上週五就係出院後第一個期回去覆診

當然我無出現啦

昨日1點零幾分鐘

姑娘打電話畀我

問我3月20日有預約期

當日能否提前10點鐘去覆診？[原本預約時間11點30分]

如果我會返去覆就當然無問題

可惜我無諗過會再返去覆診

因為我仲係覺得佢哋好怪又信唔過

以往姑娘打電話嚟

第一件事就係問我點解上週五無返去覆診

但係今次佢哋好似當無事發生

姑娘真係提都無提一句

而且仲扮晒我係依舊預約期返去覆診添

只係依家佢哋想我提前返去而致電通知咁樣

我真係見過鬼已經好怕佢哋

講真我依家連去睇普通科都驚

搞到手腳由初五一直腫脹都唔敢去睇醫生

因為由頭到尾都唔知道點解會腫脹

不過今次係腫得最勁

依家已經好番好多啦

無咩腫……可惜唔知道幾時又會再嚟腫過

說到這裡暫停一下

不過唔知道自己幾時又會再抽時間寫？？？

※ ※ ※ ※ ※ ※ ※ ※ ※ ※ ※ ※ ※ ※ ※ ※

直線行

※  ※ ※ ※ ※ ※ ※ ※ ※ ※ ※ ※ ※ ※ ※ ※ ※

好快已經踏入2015年2月份啦

又係我哋部門全年最忙既月份

今日又上去巡視咗場地一次

要安排手人去覆點

年年都係咁樣

今年仲煩添

收成八九成貨先至嚟搞大盤點

當然會好吃力啦

不過都唔理得咁多啦

因為今年我將自己抽身出嚟唔做組長

不過經理知道之後就問我係唔係諗住做自由人？

我即時話點會呀！咪講笑啦！

自問自己依家連平衡行一條直路都唔得

到果日咁忙…仲要周圍走…

邊度有人叫我個名就要即刻走去喎…？

行都唔得仲話要我走路…哈哈哈

諗起都已經忍唔住淚水啦

※  ※ ※ ※ ※ ※ ※ ※ ※ ※ ※ ※ ※ ※ ※ ※ ※

後悔又無奈

從今開始健康與快樂都開始同我無任何關係

開始發覺任何人對我既健康都越來越顯得煩躁

其實對我嚟請所有事都變得好煩惱

就算係普通兩個人既交談

都開始變得好複雜

因為我開始覺得驚回答佢哋任何話題

依家對我嚟講最好就係唔好出聲講任何嘢

慢慢開始習慣唔多出聲既日子後

係公司既同事越嚟越八卦咁樣問我好多嘢

不過我都係無咩回應佢哋

講真…依家有個地方係我最鍾意去

而又好多人都覺得鍾意去這個地方既人都係有問題

但係我唔介意佢哋諗咩啦

越去得多這個地方

我就越嚟越想早日可以自己去果度

其實我係度後悔緊當年無做到一件事

到依家就算補做都只會感覺對好多人唔住

特別係媽咪………希望媽咪永遠幸福健康！

開心的一天

今日好開心

雖然係行到對腳好痛好攰

又買唔到想買畀媽咪既茶葉

不過可以同剛離職不久既死黨行街見面

真係好開心架

可能係自己唔知道自己既未來係點樣啦

始終係不久既將來

我都有好大既機會被迫入院

今次入院之後

我決定唔會再見任何人

咁樣決定係唔想再見到媽咪辛辛苦苦咁嚟探我

而且係果度住得耐連反應都會慢好多

思想、心情都特別差

唔想將負面情緒發洩係親人朋友身上

但係自己今次又真係唔想好似上次咁樣扮傻聽佢哋講

任佢哋點嚟點去

咁樣扮聽話而有得出院就好無意思

講到這裡都係要走啦

如果有一日你哋超過一個月唔見我出BLOG

就代表我已經出事啦

是否期限到？

期限是否將近?

如果每個人離開世上都有個期既話

可能我既期限將近都唔出奇啦

以往我入院點樣都好啦

出院番屋企自己係屋企行多啲就已經行番正常

不過今次就好唔同

唔止行唔番正常[特別上落樓梯最明顯]

仲行得好差

個人仲覺得好攰

而且個腦仲同對腳一齊感到好攰又無力

感覺係今次轉既藥出問題

而且心中仲有一啲對ICU好唔好既壞感覺

全部都係腦海中既感覺

印象不清

這感覺令自己感覺很難受

這時想劉醫生幫時

佢竟然講出一啲畀平時更加過份既說話

心中既傷痛更加痛更加傷

更加令到我唔想繼續治療啦

又見醫生

今晚又要去柏立基睇醫生

因為右邊腹部又痛咗兩日

連帶後面都痛架

雖然唔係勁痛果隻

但係陰陰痛仲衰喎

感覺更加辛苦添

希望今次見完醫生就知道發生咩事

唔駛我入院就更加好啦

仲有個頭痛咗幾日

食極藥都仲係未好番

唔知道可唔可以食多次藥？

心亂

心好難過

近期心情特別情緒化

有啲朋友既關心方式又令到我更難受

雖然係知道對方出於關心

不過心裡還是很難過

越來越覺得自己將心中不快講出嚟係錯架

搞到依家朋友成日同我講咩都好

成日提住話佢諗嘢唔會好似我咁灰

心想…點解無情白事又要提我諗嘢灰喎

只係話個肚唔舒服有啲微瀉啫

我又無講過咩喎

點解又要話自己加當排毒

而我就會諗得灰喎

其實我成日頭痛先至係最令我痛苦既事

我知有好多人生活比我還要辛苦難受

難道我不是全世界最慘那一個

便不能說痛說慘說苦嗎?

這兩週工作給我的壓力真的很重很大

就算一個人坐在想也可以哭出來

死黨問我見劉醫生幫助大嗎?

我將見劉醫生情況說給她聽

她聽完感覺那位醫生的態度好像不信我有問題要見他

即係騙人扮病囉『我都好想自己係咁樣』

死黨問我能否轉看另一位醫生

以我所知很難

而且我也沒有足夠理據要求換醫生

除非在醫療中途我發生問題入了九龍醫院

這樣我便會接受九龍醫院的醫生醫治

唔知道我仲可以寫幾耐網誌

因為近期思維好亂好想見爸爸

真係好掛住爸爸您呀！

爸爸您會嚟探我嗎???